Visitamos o teu centro

Unha análise do contexto actual do videoxogo e o seu papel na sociedade, particularmente no tempo de lecer das crianzas, con recomendacións para o seu uso saudable dende o punto de vista médico, desmontando estereotipos e facendo énfase na igualdade, na diversidade e na accesibilidade.

Vertebrado a través dunha guía de títulos de especial interese, exemplificados con dispositivos e xogos para interactuar e experimentar, e información sobre as plataformas de xogo actuais.

Presentación aberta sobre a historia dos xogos desenvolvidos en Galicia dende 1986 ata a actualidade con atención aos/as seus autores/as, cunha escolma de xogos interactivos galegos ou cunha estreita relación con Galicia.

Abordarase tamén o uso do galego no medio e a importancia da localización de contidos, dando a coñecer institucións educativas e outros axentes que contribúen ao conxunto da actividade en torno ao videoxogo en Galicia.

Gama variada de talleres a elixir, centrados na interacción entre os videoxogos, as distintas disciplinas artísticas e outros medios de expresión que forman parte das industriais culturais e do lecer, nas que o videoxogo ten xa un papel clave.

Inclúe unha pequena mostra de títulos xogables e obras diversas que gardan relacións entre si, exemplificando as influencias mutuas e a interdisciplinaridade inherente aos videoxogos.